L’ italiano di Oristano (di Roberto Bolognesi)

In Aristanis fueddant in italianu.

Su sardu pagu e nudda dd’intendis.

Aristanis est una tzitadi e in tzitadi sa genti fueddat in italianu, lampu!

Comenti narat unu personagiu casteddaju de Vito Biolchini: “Toca, fuedda in italianu ca non t’apu fatu studiai po de badas!”

E funt prus che a totu is feminas giovunas is chi non fueddant in sardu, ca su sardu est “grezu”.

Seu bessíu a mi fumai su zigarru in foras de custa pitzería de Aristanis.

Ddoi fiat custa femina giovuna circhendi de si allui sa sigareta, ma s’acendinu non s’alluíat.

Dd’apu aporta su zigarru e issa:

“E fa?”

“Gia fa!”

S’est alluta sa sigaretta.

In Sardinnia totus fueddant s’italianu.

Lampu!